اسباب ضعف عزم السياره - اسباب التوقف المفاجئ

لما تتحرك بالعربيه وتلاقى سحب وعزم العربيه بطئ وكمان حاولت تتطلع بالعربيه مطلع والعربيه بالعافيه بتسحب او مبتسحبش خالص فانت كدا ممكن يكون عندك مشكله فى ثلاث حاجات ملهمش علاقه ببعض.

اولا دوره الوقود

دوره الوقود الاساسيه الموجوده فى كل العربيات اللى بتشتغل بالبنزين بتتكون من:

1- تانك البنزين

2- طلمبه البنزين ودايما بتكون كهربا

3- فلتر البنزين 

4- الوصلات او المواسير بين اجزاء الدوره

5- الرشاشات

 المفروض ان طلمبه البنزين بتضخ البنزين من التانك للرشاشات من خلال المواسير تحت ضغط معين لو الضغط دا قل بسبب ضعف فى الطلمبه فأكيد سحب وعزم العربيه هيضعف لان كميه البنزين المطلوبه للمحرك مبتوصلش نفس الكلام بردو على فلتر البنزين لو الفلتر اصبح مليان بالشوائب بس لسه موصلش لمرحله الانسداد فكدا البنزين بالعافيه بيمر من خلال الفلتر وبالتالى كميه البنزين المطلوبه للمحرك مبتوصلش للرشاشات فعزم وسحب المحرك هيضعف بردو فى حاله عطل طلمبه البنزين او انسداد فلتر البنزين سيتوقف المحرك فورا لعدم وصول البنزين للرشاشات عند تلف احد الرشاشات او احد البوجيهات او الموبينه سنلاحظ هزه ملحوظه فى المحرك (المحرك بيتلت ) وهنلاقى دخان اسود خارج من الشكمان بسبب عدم اكتمال احتراق البنزين وهيضعف سحب العربيه

ثانيا المحرك

عند تلف او تاكل شنابر البساتم يقل ويضعف عزم السياره نتيجه هروب جزء من القوه الضاغطه الناتجه من احتراق خليط البنزين والهواء داخل غرف الحريق ويحدث ذلك ايضا عند تلف جلب الصمامات او تلف جوان وش السلندر ويصاحب ذلك نقص فى مستوى زيت المحرك نتيجه احتراقه وخروج دخان ابيض سماوى من الشكمان.

ثالثا الفتيس

تاكل اسطوانه الدبرياج بشكل كبير يودى الى ضعف عزم السياره بشكل واضح حيث تعمل الاسطوانه على نقل الحركه بشكل مباشر من المحرك للفتيس عن طريق الاحتكاك بالحدافه فمجرد تاكل الماده الخشنه الموجوده بالاسطوانه بشكل كامل يصعب نقل الحركه من المحرك للفتيس خلال الاسطوانه ويقل عزم السياره.

الاهتمام بالصيانه الدوريه سوف يجنبنا الكثير من المشاكل والاعطال بشكل كبير على قدر الامكان وعند حدوث عطل او مشكله يجب اولا ايجاد سبب العطل بشكل صحيح ثم اصلاح العطل لتجنب خساره الاموال بدون فائده.